رواية الشــفة بقلم اسماعيل موسي
فضلت متيبس فى مكانى مش قادر اتحرك، دى مش ممكن تكون مصادفه
نفس البلاعه بتاعت الريحه
قعدت للصبح ما نمتش بعد كده غيرت هدـ..ـومى ونزلت ادور على الحاـ..ـرس
قلتله اما عايز اعرف مين كان غفير العماره قبلك؟
ادانى اسم وعنوان شخص روحت عليه على طول
كان راجل خمسينى عرفته بنفسى وطلبت منه يتذكر ان كان لاحظ ان فيه ريحه مش كويسه حد اشتكى منها قبل كده فى الشقه
الحارس قال محصلش، ثم إن الشقه فاضيه من من مده طويله
طلبت منه يدينى عنوان اخر شخص كان ساكن فى الشقه
كان راجل ومراته وكان معاهم طفلتين
روحت على عنوان الشقه، فتحتلى ست اربعينيه، اعتذرت ليها على تطفلى وطلبت منها توضحلى ان كانت شمت ريحه غريبه جوه الشقه
الست سكتت شويه وقالت دا كان سبب مشاكلى انا وجوزى الله يرحمه
انا كنت بشم الريحه وبشتكى منها لكن جوزى مكنش مصدقنى
طلبت منه اكتر من مره نسيب الشقه ورفض
جوزى كان بيسافر يشتغل فى السعوديه ويجى يقعد معانا شهرين كل سنه
حاولت كتير معاه لكن من غير فايده، لحد ما جه اليوم إلى صحينا فيه من النوم لقينا بناتى مختفين
الغريب ان الشقه مقفوله متفتحتش، والشبابيك مقفوله والبلكونه
كأنهم تبخرو فى العدم
اتصلنا بالشرطه ودورنا فى كل مكان، البنات مظهروش تانى
جوزى مستحملش الصدـ..ـمه، ومات وراهم بعد سنه
انا عزلت من هناك وجيت سكنت هنا
اتأسفت للست عن إلى حصل معاها ونزلت من عندها وانا واخد قرارى هسيب الشـ..ـقه
وصلت الشارع وقبل ما اركب تاكسى سمعت صاحب الدكان بيقول لواحد بيشتري منه
تلاقيه زبون جديد
رجعت على الراجل وسألته تقصد ايه بزبون جديد؟
الراجل قالى بهدوء اصل المدام عايزه تبيع الشـ..ـقه وبتدور على حد يشتريها
القصه بقلم اسماعيل موسى
شكرته ومشيت لكن سمعت ضحكته من ورايا، ضحكته إلى خلتنى عايز ارجع واتخانق معاه، ضحكه ساخره مستفزه وغامضه
رجعت الشـ..ـقه وفى عقلى سؤال واحد مجننى ازاى الشـ..ـقه فضلت فاضيه السنين دى كلها؟
ليه محدش سـ..ـكن فيها
مقدرتش اقعد من الأفكار إلى بتتصارع فى ذهنى، رجعت للحارس تانى
وسألته سؤال واحد
ليه انا؟
ليه صاحب الشـ..ـقه خلاها فاضيه السنين دى كلها ورفض يأجرها غير ليا انا؟
الحارس قال معرفش يا استاذ لما يرجع ممكن تسأله
يرجع من فين سألته؟
قال اصل الحج مسافر من زمان فى بلاد بره انا معرفش عنه حاجه
كل إلى اعرفه انه اتصل بيا قبل وصولك بيوم
وقالى تقدر تأجر الشقه لأول شخص يجيلك
كلام كله غامض خلى الشكوك تلعب فى صدرى، بكل حال انا مش مضطر اسكن فى الشـ..ـقه دى
ولا اعيش فى الرعب ده
طلعت الشقه فتحت الباب وشوفت طيف الطفله الصامت الباكى الحزين بيتحرك ببطيء قدامى لحد ما ابتلعته البلاعه
من غير ما أشعر صرخت استنى انا عايزه اكلمك
لكن الطيف اختفى داخل البالوعه، مفيش شىء فى الحياه بيحدث صدفه ويمكن يسبب السعاده
من اول مره شفت فيها الطيف وانا متأكد انها مش صدفه
لأن الأرواح تختلف عن الأشباح، الأرواح المظلومه بتكون هائمه تطلب القصاص، لكن الأشباح مخلوقات وفصيل قائم بذاته
اشمعنا انا؟
وليه صاحب الشقه فضل مستنى السنين الطويله دى كلها قبل ما يقرر انه يأجر الشقه لأول واحد والى للصدفه كان انا؟
قررت أنى انزع البلاعه وافتش جواها، نزعت ملابـ..ـسى ومشيت ناحيت البلاعه، استخدمت حديده لنزع الغطاء المصدى
وهاجـ..ـمتنى ريحه بشعه، شلت الورق والاكياس التى كانت جوه البلاعه
ونضفتها، بحثت داخلها ملقتش ولا اى حاجه!!
شعرت بالفشل وسألت نفسى كنت متوقع ايه؟
تلاقى جثه او عضم جوه حتت بلاعه صغيره؟
الموضوع على بعضه مش منطقى خالص
ومر يوم كمان وانا فى شدة اضطرابى النفسى والفكرى، الست قالت إن بناته اختفو فجأه ومحدش عثر عليهم
حتى الشرطه نفسها فشلت فى فك لغز اختفائهم
اتصلت بضابط صديقى وقلتله انى عايز ابص على ملف قضـ..ـيه قديمه
تخص اختفاء طفلتين، من حسن حظى ان الضابط كان فى نفس قسم المنطقه
روحت عنده، الضابط خدنى على الأرشيف وقالى اتعامل؟!
شعرت بنغزه فى صدرى، ملفات كتيره اوى
لكن بحثت بتاريخ السنه لحد ما وصلت للملف
فى التحقيقات أكد والد الطفلتين ان الريحه بدأت تظهر فى الشـ..ـقه بعد سنه من إقامتهم فيها
واانهم لما وصلو مكنش فيه ريحة عفونه ولا اى حاجه
وبعد سنتين اختفو أطفاله، كلام مراته كان نفس كلامه بالضبط مفيش اختلاف
الشرطه عاينت كل انش فى الشقه، مكنش فيه اى تفسير ممكن لاختفاء الطفلتين
خدت المعلومات إلى تهمنى
ليه الريحه ظهرت بعد سنه؟ وايه إلى اتغير!؟
