رواية البريئه و القا..سي كاملة
كان باب شقة التجمع مفتوح عندما وصلت شاهنده، شقه واسعه من أربع غرف تتوسطها غرفة نوم فخمه
امرت شاهنده جعفر يدخل سادين غرفة النوم ومهندس التصوير يشوف شغله بسرعه، زرع مهندس التصوير كاميرا صغيره فى مكان خفى فى الشقه وقبل ما معاذ الشمرى يوصل صرفت شاهنده جعفر والى معاه
وصل معاذ الشمرى كان بيرتدى زى رياضى ماركة اديداس تفوح من جسد روائح معطره
ها يا شاهنده عملتى ايه؟
كل حاجه تمام ياباشا
معاذ الشمرى البنت فين؟
شاهنده فى غرفة النوم
معاذ الشمرى! بنفس حالتها!؟
شاهنده ايوه يا معاذ والله حتى انا نفسى معرفش شكلها
كل حاجه فيها بكر
ربت معاذ الشمرى على كرشه وابتسم، أمشى انتى دلوقتى يا شاهنده وانا هبقى اكلمك
شاهنده، مش قبل ما تخرج ابنى يا معاذ احنا بينا اتفاق؟
معاذ الشمرى انا كنت عارف ان ده هيحصل، ابنك متورط فى قضية نصب، انا لا أملك العداله يا شاهنده، القانون لازم ياخد مجراه
شاهنده بعصبيه، انت وعدتنى يا معاذ، وعدتنى؟
مش وقته يا شاهنده، انتى ست بتفهى خلينا نأجل الكلام ده بعد ما اخلص
شاهنده لا يا معاذ دلوقتى! ؟
معاذ الشمرى، صفق بايده ظهر حارسين ضخمين، خدوها ومش عايز حد يطلع هنا لحد ما انزل فاهمين
فاهمين يا باشا
صرخت شاهنده، حسبى الله ونعم الوكيل فيك يا معاذ، انت بتضحك عليه
جر الحارسين شاهنده على السلم ناحيت الشارع، من فضلك يا هانم أمشى من هنا مش عايزين نستخدم القوه
شاهنده وهى بتمسح وشها، انا همشى لوحدى سبوني
تحركت شاهنده ناحيت عربيتها وعنين الحراس عليها، تحركت بالعربيه نص كيلو ونزلت بسرعه بعد ما ركنتها
خدت الشارع مشى لحد ما وصلت عربيه ميكروباص خبطت على الباب، الباب انفتح
دخلت شاهنده ها طمنى؟
مهندس التصوير قدامه شاشه كل حاجه تمام يا هانم
شافت شاهنده معاذ الشمرى يينزع هدومه، خرجت سيجاره ولعتها وهى بتبتسم
________-____—
عند الباب الخلفى للعماره صعد ثلاثة أشخاص السلم فى هدوء، اضطرو يقفزو على سطح العماره وينزلو بحبل عشان يفتحو الباب الخلفى الموصد بالحديد
فى سكون وصلو الشقه، قام شخص ملثم بتفوير قفل الشقه
شخص تانى ملثم وضع قماشه على كاميرا التصوير
وقبل ما معاذ الشمرى عارى الجسد ما يتحرك او يعمل صوت لقيهم فوق دماغه
شخص ضخم ملثم صوب مسدس على دماغ معاذ الشمرى
__________________
داخل السياره الميكروباص، مهندس التصوير، الصوره اختفت؟
شاهنده بتقول ايه وبصت على الشاشه
بقولك فى شخص حجب الرؤيه
شاهنده برعب يكنش معاذ كشف الخطه؟ دى تبقى مصيبه كبيره
انتظرت شاهنده خمس دقايق الصوره مرجعتش، خدت بعضها وهربت من العربيه بعد ما أكدت على مهندس التصوير ينتظر مكانه ويسجل كل حاجه لو الصوره رجعت
خدت جعفر ورجالتها وغادرت المكان
_____________&&
داخل الشـ..ـقه
ظل الرجل الضخم مصوب مسدسه على معاذ الشمرى ثم قام بتقيده
فى المقعد
بص الشاب الملثم للشخص الضخم الذى يصوب مسدسه على معاذ الشمرى، انت عارف هتعمل ايه
الرجل الضخم وهو يبرم شاربه عارف
قال الشاب الملثم الشخص الذى برفقته يلا شيل معايا البنت دى بسرعه، حملو سادين فى ملايه ونزلو بيها من السلم الخلفى ووضعوها فى سياره، ثم انطلقت السياره والتفت من الشارع الجانبى وتوقفت على بعد عشرين متر من العربيه الميكروباص
بعد أن قيد الرجل الضخم معاذ الشمرى، نزع القماشه من على الكاميرا
وعادت الصوره مره أخرى
لكن مهندس التصوير مكنش مصدق عنيه، فضل مبرق بعد أن ضغط زر التسجيل
فى سياره سادين، اعتقد الوقت مناسب دلوقتى؟ قال الشاب الملثم وهو يخرج مسدسه ويسير تجاه السياره الميكروباص
فتح باب السياره بقوه، صوب مدسسه على مهندس التصوير
هات شريط الفديو بسرعه
اخرج مهندس التصوير المرتعب شريط التصوير، مقطع الفديو واداه للشاب الملثم
الشاب الملثم، يلا أمشى من هنا مش عايز اقتلك ركض مهندس التصوير بأقصى سرعه ليعبر الشارع فى خوف
من بعيد كانت سياره تنطلق بسرعة الصاروخ لم يلحظها مهندس التصوير قامت بسحقه على الفور
القصه بقلم اسماعيل موسى
______________
فتحت سادين عنيها، كانت فى غرفة نوم، لكن مش غرفة نومها
بصت على هدومها ونقابها كانو تمام، هدومها كامله ونقابها
دماغها كانت هتنفجر من الصداع
جنبها كان فيه طاوله عليها قرص دواء وكوب ماء مع ملاحظه ورقيه
تناولى قرص الدواء حتى تستعيدى وعيك
ترددت سادين دقيقه، لكن الصداع كان هيقتلها
بلعت قرص الدواء وشربت كوب الميه وبداء وعيها يرجعلها ببطيء
#البريئة_والقاسى
١٩
نحن لا نملك المستقبل لأننا لا نراه
ايه الشقه الغريبه ديه؟ ايه الى حصل وجيت هنا ازاى سألت سادين نفسها وهى بتبص فى ساعتها
طلعت للصاله، كان فيه أكل على الطاوله وباقة ورد كبيره، ملحوظه ورقيه متعلقه على باقة الورد
حمد لله على سلامتك، مفتاح الشقه فى بوكس الكهرباء،هتعرفى مين انا فى الوقت المناسب، فتحت سادين بوكس الكهرباء خدت المفتاح وخرجت من الشقه وسابت المفتاح فى الباب
الشمس كانت لسه طالعه رغم كده الشارع مليان بشر بتسعى على رزقها
سادين دماغها متوقف عن التفكير، انا وصلت هنا ازاى؟
ايه الى حصلى، وبدأت تتخيل سيناريوهات مشؤمه لنفسها
خدت تاكسى على الفيلا وأول ما وصلت غرفتها عاينت كل جسدها وهى بتكبى
حمدت ربنا كتير محدش لمسها، محدش كشف سترها وظل السؤال معلق
ايه الى حصل معايا وكيف اصحى الاقى نفسى فى شقه غريبه؟
افتكرت الملحوظه خدى قرص الدواء عشان تستعيدى وعيك! يعنى انا كنت مخدره؟
مين عملى كده انا كنت متغديه وطالعه غرفتى كويسه
تليفونها كان مرمى على السرير، فتحته لقيت مكالمات كتير من اميره وهند، قالت هاخد شاور واكلمهم
بعد ما خدت شاور شاهنده خبطت على الباب
سادين فتحت الباب لشاهنده
شاهنده بنبره كلها لهفه ازيك يا حبيبتى قالت وهى بتعاين حركاتها عشان تعرف من خلالها حصل ايه معاها
الحمد لله قالت سادين بانكسار
انت كنتى فين امبارح يا سادين؟ ينفع ست مجوزه حتى لو كان صورى تبات بره بيتها؟
حتى لو كان جوزك محبوس مينفعش تعملى كده
سادين لقيت نفسها هتبكى، كان نفسها تترمى فى حضن شاهنده وتحكيلها إلى حصل لكن حاجه جواها منعتها تعمل كده
شاهنده كانت آخر واحده معاها فى الغرفه قبل ما تفقد وعيها، شاهنده إلى كانت مش بتطيقها وعايزه تشغلها مع الخدم بتعطف عليها؟
فكرت تكدب عليها، لكن سادين عمرها ما كدبت، كان غصب عنى والله يا عمتى
شاهنده غصب عنك ازاى؟ ايه الى حصل احكيلى؟
_______________
طلع معاذ الشمرى من شقته منكس الرأس حزين فى قمة الخزى
حراسه كانو منتظرينه فى مكانهم
معاذ الشمرى بغضب، كنتم فين يا كلاب؟
ازاى تسمحو ان حد يطلع الشقه؟
الحارسين بصو لبعضهم، يا باشا احنا متحركناش من مكانآ ومفيش حد طلع الشقه
تحرك معاذ الشمرى خطوات، طلع السلم ونزل على البدرون من الناحيه التانيه لقى الباب الخلفى مفتوح
بعدها خد بعضه وطلع على فيلته، دلوقتى مضطر انه يكون رد فعل لأول مره فى حياته
فيه حد من اعدائه دبر إلى حصل معاه ولازم يعرفه وينتقم منه
دلوقتى لازم يصبر وينتظر
ينتظر الأوامر إلى هجيله بأى شكل من الأشكال
شاهنده، أضعف من انها تعمل كده! رغم كده لازم يستجوبها لأنها ست لئيمه وخبيثه
وصلت شاهنده لما طلبها معاذ الشمرى، قلبها بيرفرف من الرعب
اول ما وصلت معاذ الشمرى بصلها بتركيز، بحث عن نظرة الشماته فى عنيها لكنه ملقاش غير رعب وخوف
شاهنده معملتش كده؟ جزء منه ارتاح وجزء تانى اشتعل
ايه الى انتى عملتيه ده يا شاهنده؟
شاهنده عملت ايه يا معاذ؟
معاذ الشمرى بعصبيه، معاذ بيه يا شاهنده متنسيش نفسك؟
دفاترك القديمه كلها موجوده عندى اكيد انتى عارفه انا ممكن اعمل فيكى ايه؟
عارفه ياباشا، عارفه
انا عملت كل إلى طلبته منى بالحرف الواحد، بعدها حراسك رمونى فى الشارع
معاذ الشمرى متكدبيش يا شاهنده العقاب هيكون مضاعف
فكرت شاهنده، فيه حاجه كبيره حصلت مع معاذ الشمرى خلته بالشكل ده، ابتسمت جواها
معاذ الشمرى وقع ومش فاضل غير تحط ايدها على الدليل
مش بكدب يا باشا والله، انا اتفاجأت ان سادين رجعت غـ..ـرفتها، كانت سليمه مفيش حاجه فيها
هو انت يا باشا معرفتش؟
صرخ معاذ الشمرى، اسكتى قبل ما اقطـ..ـع لسـ..ـانك، انا صعبت عليا البنت وسبتها تروح
رتبت شاهنده الأفكار فى دماغها، سادين قالت إنها نامت فى الشغل غصب عنها ومقدرتش ترجع البيت
معاذ بيقول سابها تروح
بس معاذ الشمرى مفيش فى قلبه رحمه ولا شفقه، فيه سـ..ـر كبير ضايع منها
وصلت رساله لمعاذ الشمرى على تليفونه خلت وش اصفر وضـ..ـرب الوان
طلب من شاهنده تمشى
____________
كلمت سادين اميره وهند فى الشغل
انتى كنتى فين احنا قلبنا عليكى الدنيا؟
سادين، مفيش كنت تعبانه شويه لكن الحمد لله
الشغل عامل ايه؟
تمام، فيه اخبار حلوه مستنياكى يا سادين، خلصنا صفقه تانيه
انا جايا حالا، هغير هدومى وانزل
وهى خارجه سادين لقيت شاهنده فى وشها، كان عليها غصب ربنا
رايحه فين يا سادين؟
رايحه الشغل يا عمتى
بعد إلى حصل امبارح لسه عايزه تروحى الشغل؟
سادين حصل ايه يعنى؟
شاهنده، انت فاكره ان بياتك بره البيت هيعدى كده بالساهل
انا فى مكان رعد دلوقتى، اتفضلى اطلعى غرفتك لما اشوف هنعمل ايه، انتى مش عايزه فى لوكانده يا هانم
دا بيتى يا شاهنده وانتى ضيفه عندى يعنى اطلع وادخل براحتى
شاهنده لسه هتقول مبقاش بيتك وافتكرت كلام المحامى
ان توقيع سادين ممكن تطعن فى صحته وقتها هتبقى قضية تزوير لان التوقيع مش مطابق للاصلى
صفحة الكاتب على الفيس بوك باسم اسماعيل موسى
انا خايفه عليكى يا بنتى، كلام الناس مش بيرحم
متخفيش يا عمتى انا بميت راجل
____________
فيه حاجه فى كلام شاهنده مش مطمنانى، بحس انها عايزه تنفجـ..ـر فيا لمن ماسكه نفسها
يارب استرها معايا يارب
من بعيد شافت سادين قبل ما تركب التاكسى نفس الشخص إلى بتشوفه كل يوم واقف فى مكانه
سادين مش غبيه الشخص دا بيراقب تحركاتها من مده كبيره
طلعت بالتاكسى على الشغل اول ما وصلت المكتب فتحت الشرفه وشافت اسامه واقف قدام الشركه
قفلت الشرفه وقعدت فى المكتب فحصت الصفـ..ـقه الجديده وبعد ما المكتب فضى شردت سادين فى إلى حصل معاه
مين الشخص إلى ساعدها؟ وساعدها فى ايه؟ وازاى هيقابلها فى الوقت المناسب
رغم كده ابتسمت سادين، باقة الورد كانت جميله
فكرة الاكل والفطار أنيقه والملحوظه الورقيه بتدل على شخص ذكى ومثقف
كان نفسها تشكره على الورد وتعرف منه ايه الى حصل لكن كانت خايفه تعرف ايه الى حصل اصلا
هاجس جواها كان بيقول ان فيه حاجه وحشه كانت واقعه فيها
القصه بقلم اسماعيل موسى
السلام عليكم يا مدام سادين! انا سمحت لنفسى ادخل المكتب لان الموظفين مشغولين بره
انت تانى، افتكرت سادين الشخص إلى عرض عليها صفـ..ـقه كبيره نظير ان يشوف وشها
خير حضرتك احنا مش كنا انتهينا من القصه دى؟
لا لا يا هانم انا جايلك بعرض تانى مش هتقدرى ترفضيه
العرض بقى عشره مليون جنيه تدفع كاش، هناخد من عندك بضاعه ونعمل عقد احتكار بالسعر إلى تحدديه
حاولت سادين نتفائل لكنها عارفه ان السما مش بتنقط فلوس
عرضك مرفوض واتفضل اطلع بره
الصبر يا سادين هانم، الباشا مش طالب يشوف وشك ولا حاجه
سادين امال عايز ايه؟
الباشا عايز يعزمك على فنجان قهوه ويتكلم معاكى شويه
إلى عايز يتكلم معايا يتفضل فى المكتب هنا يا استاذ
افهم من حضرتك انك بترفضى العرض؟
سادين ايوه واتفضل بعد اذنك انا مشغوله
القصه بقلم اسماعيل موسى
________________
بعد ما زارت شاهنده رعد فى السجـ..ـن مره تانيه مستحملتش عياط ابنها وبكاه
كلمت معاذ الشمرى
معاذ الشمرى قال اسف مش هقدر ادخل فى موضوع ابنك يا شاهنده
حست شاهنده ببلطه شقت دماغها
معاذ الشمرى يملك السلطه النقود، ازاى مش قادر يساعدنى
وسط انكسارها وهزيمتها افتكرت فهد ، هضطر اروح للوسـ..ـخ دا مره تانيه ؟ واشوف ابتسامته الساخره وشماته وبروده؟
لكن ابنها بيضيع منها، مفيش حل تانى
لا فيه يا شاهنده، ازاى انتى بالغباء ده +؟
البنت سادين معاه فلوس التركه ابتسمت شاهنده
سادين بنت طيبه بكام كلمه حلوه واستعطاف قلبها هيلين
#البريئة_والقاسى
#البريئة_والقاسى
٢٠
????♥️
الماضى يعيد نفسه
الماضى يراقبنا
انا كنت عارف ان دا إلى هيحصل لعيل من تربية شاهنده، كرهته فينا، خلته يعتقد اننا أعدائه
ضرب الجد ضرغام كف بكف لما عرف ان رعد دخل السجـ..ـن فى قضيه ماليه
هنعمل ايه يا ابويا هنسيب رعد فى السجـ..ـن، دا مهما كان ابن اخونا؟
سرح الجد ضرغام بخياله لبعيد، للماضى، شاهنده وابنه اكرم، حـ..ـادثة الوفاة الفجائيه
مقتل والد سادين وزوجته بعدها بشهر، حط دماغه بين ايديه
مش هنعمل حاجه، سادين هتتصرف
لكن يا والدى سادين طيبه وغلبانه وانت عارف كده
كل شيء بآوان يا ولدى، الصبر
دخل ضرغام غرفته وأغلق الباب على نفسه، ورغم عمره الذى تجاوز السبعين راح يبكى كطفل، فالحزن لا يعترف بالعمر.
____________
سادين يا بنتى انتى عارفه ان رعد فى السجـ..ـن؟
عارفه يا عمتى
ويرضيكى جوزك وابن عمك يفضل محبوس مع المجـ..ـرمين والقتلى؟
دا مهما كان دمك يا بنتى
وانا هعمل ايه بس يا عمتى، هو انا قولتله يستلف فلوس ولا يضيع فلوسها يمين وشمال؟
سادين، انتى زى بنتى، ورعد ابنى، انا بترجاكى تنقذيه من السجن، حياته هتتدـ..ـمر؟
لو فى ايدى حاجه كنت عملتها يا عمتى؟
بأيدك كتير يا سادين، ادفعى الفلوس، خرجى رعد من السجـ..ـن وانا اقسملك بشرفى هيرجعلك الفلوس كلها
انا مش معايا فلوس يا عمتى، كل الفلوس صرفتها على الشركه
بيعى الشركه يا بنتى وانقذى رعد
سادين بهدوء، طيب ما تبيعي المصنع يا عمتى وتدفعى الفلوس؟
شاهنده بغضب، المصنع؟
لكن تداركت نفسها بسرعه، مش هنلاقى مشتري وهيتباع برخص التراب يا بنتى؟
المشترى موجود يا عمتى
شاهنده بمكر، مين يا سادين؟
انا يا عمتى، هدفع اى سعر يتفصل بيه المصنع
شاهنده فى سرها، يا بنت الكلب، هى الحربايه هتخلف غير غراب؟
صمتت شاهنده دقيقه تفكر
انا كنت فاكره البنت دى عبيطه لكن واضح انى انخدعت فيها
الظاهر لازم ارجع شاهنده القديمه، شاهنده إلى كل الناس كانت بتعملها الف حساب
المصنع مش هيتباع يا سادين، ورعد هيخرج من السجـ..ـن زى الشعره من العجين ووقتها كل واحد هيعرف مكانته وحدوده
___________
بعد ما شاهنده ما مشيت وصلت رساله لسادين، اعتقد ان إلى قولتلك عليه حصل؟
ابتسمت سادين، كانت وصلتها رساله من رقم مجهول تحذرها من شاهنده
رساله واضحه بتقول ان شاهنده هتطلب منك تدفعى كفالة رعد وتخرجيه من السجن
الحمد لله، لولا الرساله دى حذرتنى من شاهنده كان زمانى اديتها الفلوس وبعت الشركه بتاعتى
ولأول مره كتبت سادين الرد، شكرا مره تانيه، مش ناوى بقا تقول انت مين؟
ووصلها الرد، لم يحن الآوان بعد، انتى سوف تقررى متى أظهر
ولكنى ابذل اقصى جهدى
فكرت سادين ايه الرساله إلى كلها غموض دى؟ وازاى انا الى هقرر يظهر امتى؟
________________
وصلت سادين الشركه تحت مراقبة عيون اسامه إلى كان بيتابع حركات سادين خطوه بخطوه
الشركه ماشيه كويس وبدأت تاخد مكانتها فى السوق وتعمل اسم
لامع، نضيف
مراحب يا سادين هانم!!
تأففت سادين لما شافت نفس الشخص إلى بيظهر كل مره
فيه ايه تانى؟
عرض جديد يا هانم
مش عايزه اسمع عروض، واتفضل أمشى
الصبر يا هانم، انا مجرد رسول ودا كله فى الاخر شغل
اسمعى العرض وبعدها براحتك
سادين بقرف، اتفضل
العرض المره دى مختلف، الباشا بيقول هيدفع عشرين مليون كفالة رعد بيه لو حضرتك وافقتى تقابليه وتشربى معاه قهوه ساده
هو الباشا بتاعك ده مش بيزهق؟ مش وراه الى انا؟ وهيدفع عشرين مليون نظير ايه
ايه المقابل؟
مفيش هانم دا تمن فنجان القهوه الساده
ها نقول مبروك؟
العرض مرفوض حضرتك ومن فضلك قول للباشا انى مش فاضيه للكلام الفارغ ده!
تمام يا هانم ،اتكل انا على الله، سلام
بعد كل مره يرحل فيها ذلك الشخص من مكتب سادين، تشعر سادين بالسعاده ولا يمكنها ان تخفى ابتسامتها الرطبه التى تزين فمها، على الأقل هناك شخص يهتم لأمرها حتى ولو من بعيد
وتسأل نفسها، هل يحق للمرأة ان تفرح بمثل تلك الأشياء الغامضه؟
ام انها ترتكب جرم لقاء تلك الاحاسيس التى لا تملكها؟
____________
فى فيلا معاذ الشمرى
شاهنده يا معاذ انت عمرك ما كسـ..ـرت بخـ..ـاطرى، كنت دايمآ بتقف جنبى من غير مقابل
المره دى انا نفذت كل طلباتك وانت بترفض تساعدنى!!!
ايه الى غيرك من ناحيتى يا معاذ؟ انا عملت ايه زعلك منى؟
معاذ الشمرى بنظره تائهه حائره ووجه قاتم، مش هقدر أتدخل فى موضوع رعد يا شاهنده
ليه يا معاذ فهمنى؟
مش هقدر وخلاص يا شاهنده، انا تحت ضغط كبير جدا، انا ممكن اخسـ..ـر مكانى فى مجلس النواب
شركاتى كلها مهـ..ـددة بالضياع، انا مش فاضى للكلام الفارغ بتاعك ده
دى اخر مرة اترجاك فيها يا معاذ
انا باقيه على العيش والملح إلى كان ما بينا
انتى مش عارفه حاجه يا شاهنده، مش عارفه حاجه رزع معاذ الشمرى الطاوله بيده
لكن هيروحو منى فين هجيبهم حتى لو كانو ورا الشمس!
طلعت شاهنده من فيلا معاذ الشمرى، فى قمة الغضب والانكسار
كل الطرق ببتقفل قدامها
لكن شاهنده مش هتقع لوحدها انا هدمر الدنيا كلها
القصه بقلم اسماعيل موسى
___________
خلصت سادين شغلها وروحت على البيت، كل شويه كانت بتبص على تليفونها يمكن توصلها رساله!!
فى غرفتها قلعت نقابها، وقفت قدام المرايه
شعرها الطويل الناعم، بشرتها العاجيه، الشامة أسفل شفتها من الناحية اليمنى
قبلة الملائكه التى تزين خدها
عبرت بيدها على خصرها النحيف وسرحت بخيالها للحظه قبل أن تتلقى رساله
انتى فى خطر، خلى بالك من نفسك، لا تثقى بأى شخص سوى نفسك
الماضى يعيد نفسه
#البريئة_والقاسى
٢١
حطت سادين ايدها على قلبها، خطر؟ لسه ذكريات الليله المشؤمه حاضره فى مخيلتها
لحد الأن متعرفش ايه الى حصل ولا قدرت تتوصل لنتيجه
انا فى حالى، هكون فى خـ..ـطر ليه؟
لكن الرساله السابقه كانت صحيحه وده معناه انها فى خطر فعلا
وعندها اعتقاد كبير ان الشخص إلى بيرسل الرسايل هو نفسه إلى كان سايب باقة الورد والاكل فى الشـ..ـقه إلى لقيت نفسها فيها
فكرت تبعت رساله تستفسر عن الخـ..ـطر بس شعرت بالاحراج، دا شخص متعرفوش ومش عايز يكشف عن نفسه وغامض وممكن يكون تهديد، بيجر رجلها
جسمها ارتعش وانكمشت على نفسها وكأن كل الدنيا شايفاها بسرعه لبست هدومها وقعدت على فراشها
خطر؟
من فين ممكن يجى الخطر؟
شاهنده؟
رعد؟
صاحب الرسايل الغامض؟
الباشا إلى عايز يشتريها بفلوسه؟
مفيش نتيجه، كلها افتراضات غامضه
____________
تلا، انت بتبعد عنى ليه يا فهد ورافض تقابلنى؟
والدك رفضنى، اعتقد مفيش حاجه بعد كده تربطنا ببعض
حاول تانى يا فهد، بابا اليومين دول مش على بعضه، حاسه ان فيه حاجه كبيره حاصله معاه ومش راضى يقولى
فهد ببرود، انا مش بطلب نفس الطلب مرتين من نفس الشخص
عايزانى؟ خلى والدك يعرضك عليا!
انت اجننت يا فهد، مش عارف انا مين وبنت مين؟
عارف يا تلا، عارف جدا، بس كل حاجه بتتغير وهتتغير
قفلت تلا السكه بغضب، انت الظاهر نسيت نفسك فعلا انا ممكن اخلى بابا يأدبك؟
فهد ببرود اكتر، جربى ووقتها هتعرفى مين فهد
_____________
البنت دى لازم تموت يا جعفر، هى على زمة رعد، يعنى لو ماتت كل املاكها هتروح لرعد لأنها وحيده
دم تانى يا شاهنده هانم؟
جعفر انت هتستهبل؟ قلبك بقى حنين ولا ايه؟ انت ناسى عملت ايه زمان؟
مش ناسى يا هانم لكن البنت دى طريقها واضح من الفيلا للشركه ومن الشركه للفيلا صعب اهاـ..ـجمها قدام الناس؟
خليك مراقبها كويس يا جعفر، اكيد هتغلط وتروح مكان هادى، انا عايزه الموضوع ده يخلص بسرعه؟
حاضر ياهانم
تلقت شاهنده اتصال من محامى المصنع، انا اسف يا هانم لكن فى تطورات جديده
المصنع اتحجز عليه واتعرض للبيع فى مزاد علنى
شاهنده بعصبيه وانت فايدتك ايه، اتصرف، اخترع مشكله؟
مينفعش يا هانم، الاجرأت كلها سليمه
مفيش فايده منك، انت الفلوس إلى بتاخدها حرام فى جتتك
___________
قضت سادين اسبوع فى رـ..ـعب، بتراقب كل تحركاتها بحذر، عارفه ان فيه خطر متربص بيها
كانت دايما بتروح مع اميره وهند، مش بتمشى لوحدها ابدا
منتظره على نار الرساله التانيه من حارسها الغامض
هى سمته كده على تليفونها، حارسى الغامض، اختارت الاسم دا بعد تفكير كتير
فى الاول سمته ملاكى الحارس، لكن هى متعرفش ان كان ملاك او شيطان
الدرع الحامى، فارس أحلامى، كازانوفا أسامى كتير مسحتها سادين قبل ما تستقر على الاسم المناسب حارسى الغامض
كانت حاسه ان الشخص ده مش هيسمح لأى خطر يقرب منها رغم كده عمرها ما فكرت تبعتله اى رساله
سادين فى شرود اتأخرت ليه بس؟ انت مش عارف انى قلقانه مش بعرف انام؟
انا مش ممكن اسامحك على الأنتظار ده؟
وكأنه يشعر بها، يعيش داخلها ويقراء أفكارها، نصفها الأخر
فى وسط هذا الشرود والهاتف فى يدها تحتضنه سادين
وصلتها رساله
(ربما حان الوقت لزيارة قبر والدك ووالدتك
تذكرت سادين والدها ووالدتها، كيف لم تفكر فى ذلك من قبل؟
لو كانت والدتها حيه ربما ارتمت فى حضنها والقت كل تلك الهموم فى عبها
كيف لم تفكر فى ذلك من قبل؟
اغلقت سادين الهاتف، شكرا لك حارسى الغامض
__________
