رواية انتــ..ــقام زوجة كامله
جوزي قرر يجيب مراته التانيه تعيش معايه في نفس البيت
بعد ما خلصوا شهر العسل .. مع انه قالي انها عندها شقه هي هتقعد فيها
بعدها حماتي قالتلي معلش مش هينفع نسيبها لوحدها في شقه بعيد عن ابني وانتوا كده كده ربنا ما رزقك مش بعيال عشان مش بتخلفي..
فهنخليها تقعد في الاوـ..ــضه التانيه اللي المفروض كانت للعيال
أنا مش متخيلة ان الاحداث بتمشي بسرعة كده وانه ساب أمه تكلمني بالشكل ده
احنا متجوزين من 3 سنين .. وبنحب بعض من قبلها ب 5 سنين
كله بسبب حماتي .. أمه اللي عماله تقوله من حقك تتجوز ومن حقك تخلف .. ليه ما نرضاش بقدرنا وخلاص
ليه مصمم تجـ..ــرح مشاعري .. ليه بتخليني اكرهك وانت اكتر حد كنت بحبه .. انا قولت خلاص اتجوزت اللي بحبه والدنيا هتبقى حلوة مهما كانت
بس واضح ان الشخص مهما كان بيحبك اهله لو ناس مش كويسين هيتعبوك ويد.مــ..ــروا حياتك
وللمرة التانيه امه تقنعه انه يخلي مراته معايه في الشـ..ــقة وهي شقـ..ــته باسمه وشايفين انه من حقه يخلينا مع بعض في بيته
أدهم بقى قلبه مي..ــت .. بقيت أعيط كل يوم وانا قاعده لوحدي .. خلاص فاضل ساعه ويوصلوا العريس والعروسه
متجوز واحده امه اللي نقتهاله عشان بتقوله سبتك تنقي جبتلنا خيبه
المشكله ان اهلي ناس غلابه اوي بيقوليلي اصبري يابنتي معاه بدل ما تطلقي وتقعدي في البيت مش لاقيه اللي يصرف عليكي
المشكله اني حاولت اشتغل مالقتش شغل تقديراتي وشهادتي ما يأهلونيش اشتغل شغل كويس
انا مش مصدقه انه عمل فيا كده بقيت افكر في طلاق وشغل وبيت اهلي وهصرف منين؟!
ليه كده يا ادهم .. ليه تسمع كلام أمك بالجحود ده .. ليه تتغير عليا ويبقى كلامه مالوش لازمه
وفعلا قطع عياطي .. صوت باب الشقة وهوا بيتفتح وادهم والبنت اللي معاه جم
اسمها نيرة بصتلي وبعدها بصت في الارض .. ادهم جه يسلم عليا ويقولي وحشتيني ويلا سلمي على نيرة
بصيتلها ودخلت غرفتي وقفلت الباب .. وبعدها سمعته بيقولها ولا يهمك هي شويه وهتتعود عليكي
وبعدها سمعتهم بيدخلوا الاوضه الثانية .. لسه ما شبعش منها لحد دلوقتي .. المفروض اكون انا اللي وحشاه
هوا بجد الرجاله كلهم كده زي ما كانت صحبتي بتقولي .. وانا اقولها ادهم حاجه تانيه .. وادهم غيرهم
بس انا مش قادره استحمل اللي بيحصل .. انا مخنوقه واكتر حاجه بكرها في حياتي اني أحس بالضعف
مش عارفه انا بفكر صح ولا غلط بس الموضوع زاد عن حده .. أنا طيبة جدا بس لما بحس بخطر وتهديد بتجنن
بس ماشي يا أدهم انا هوريك هعمل فيك ايه انت وامك ومراتك الجديده ..
مش هرتاح في ومتي غير لما اخد حقي منكم لاني متعودة من صغري باخد حقي بدراعي احنا غلابة وده خلاني اعرف اخد حقي بنفسي
