قصة
أسامة
ده ايه الكلام الفاضي اللي انتي بتقوليه ده الأمثال دي ما تنسي اصلك بقا يا نهى وبطلي الكلام ده قدام الولاد
حسام
يابابا ماما عندها حق ويعدين حضرتك مش موجود معاها علطول وبتسافر شهرين بره واسبوع معانا هتعرف منين انها هتفضل محافظة على تربيتك فيها
أميرة
على فكرة بقا يا حسام انا بعرف احافظ على نفسي كويسه واقدر اعيش لوحدي في اي مكان من غير ماحد يقول عليا كلمة وحشة
حسام
طيب ماهو اللي انتي هتعمليه ده هيبقا فيها سمعة زفت من امتى اصلا في بنت في العيلة راحت عاشت لوحدها ده ايه الكلام الفارغ ده
أسامة
اسكت يا حسام وزي ما قولت لك ملكش دعوة بحاجة خالص
نهى
بص يا اسامة انا اصلا عارفاك وعارفه انك عمرك ماهتمشي غير اللي في دماغك وبس واعمل بقا اللي تعمله بس انا وأبنى مالناش دعوة بحاجة
قالت له كده وسابتة ودخلت جوه واسامة قال
أسامة
اسمعي يا أميرة انا عايزك تخلي بالك من نفسك يا حبيبتي وتحافظي علي نفسك كويس وانا هفضل معاكي علطول واكلمك باستمرار ومش هسيبك
أميرة
انا عارفه يا بابا ان حضرتك واثق فيا جدا وان شاء الله هكون قد الثقه دي وعمري ماهيخب ظنك ابدا
أسامة
انا عارف والله ياحبيبتي
حسام
ياسلام على اللحظات الحنينة دي ده انت عمرك ما عملت معايا كده يا بابا اشمعنا بنتك يعني اللي مدلعها دعوة
أميرة
عشان انا احلى منك وبسمع الكلام عنك طبعا مش كده يا بابا ههههه على فكرة انا بهزر ده حتى بابا بيحبك اوي يا حسام وعمره مافرق بينا خالص
حسام
ايوه ما هو واضح يا ست أميرة ما انتي واكلة الجو كله اهو وعمال يدلع فيكي مش كده برضو
أسامة
بطل عبط انتو الاتنين ولادي اي نعم كل واحد فيكم من ام بس ربنا يعلم غلاوتكم في قلبي عامله ازاي
وفي الوقت ده نهى ندهت على حسام اللي دخل لها وقالت له
نهى بصوت واطي
ها يا حسام ايه الاخبار يابني برضو هيسبها تسافر وتروح هناك لوحدها وتكمل في الجامعة
حسام
ايوه يا ماما ده مصمم كمان وشكلة كده هديها فلوس كتير اوي والله انا خايف ليكب لها كل حاجة وانا وانتي نطلع من المولد بلا حمص لانه شايف ان أميرة دي بنت الغاليه زي ما بيقول
نهي
يلهوي يا حسام يعني هو ممكن يعمل كده فعلا يبقا اخر يوم في عمره هو وبنته لو فكر بس انه يعمل حاجة زي دي
حسام
طيب انتي ناوية تعملي ايه ياماما البت دي برغم انها اختي بس انا مش بطيقها ولا بحبها
نهى
ومين سمعك يا عين امك سيبها بس عليا وانا هتصرف واشوف انا هعمل ايه مع البنت دي
وبعدها أميرة سافرت المحافظة اللي فيها الجامعة بتاعتها واتعرفت على واحده اسمها ريم وقالت لها
ريم
نورتي الجامعة انتي اسمك ايه بقا يا قمر انا ريم ولسه اول يوم ليا ومن محافظة المنصورة
اميرة
انا أميرة من محافظة القاهرة وجيت هنا في محافظة الجيزة عشان الكليه جات لي هنا قولي لي طبعا انتي هتقعدي في بيـ،ـت الطالبات مش كده عشان لو تعرفي مكان كويس عرفيني
ريم
بصي يا أميرة هو طبعا أأمن مكان لينا هنا في محافظة احنا اغراب عنها يبقا سكن الجامعة هو ده اللي هيبقا امان بالنسبة لنا
أميرة
خلاص يبقا نروح نشوف سكن الجامعه ده ونقدم فيه ونبقا فيه مع بعض شكلنا هتبقا أصحاب
وبعدها راحت أميرة وريم وحجزو او.ضة في المدينة الجامعية وبقت أميرة وريم يروحو مع بعض ويرجعو مع بعض وفي يوم شاف أميرة شاب بس اكبر منها وقال لها
هو
هو الجميل قاعد لوحده ليه كده شكلك جديدة في الجامعة اعرفك بنفسي انا طارق في الفرقة الرابعه انتي شكلك سنة اولى صح هو انتي ليه مش بتتكلمي
