مدير الملجأ
لاااا تعالي نتقابل وانا اقولك هما كام يا حبيبي عشان تعرف انا بحبك اد ايه
احمد
بس كده ده انا جاي لك حالا وقفل معاها وقال لسعيد صاحبة
خلاص ياض يا سعيد شكلها فرجت ياااض وهعزمك انت والشلة
سعيد
بجد يا احمد ده انا جاي معاك بقا المشوار اللي انت رايحة ده
احمد
لا يا روح مينفعش ده انا رايح اقابل المزه بتاعتي يلا معطلكش يا حبيبي سلام
وراح لها احمد في الدار انا دخلت عند يسري وقولت له بدلع
اسماء
نعم يا استاذ يسري هو حضرتك بعت لي مش كده انا جيت لك اهو
يسري
يا سلام عليكي يا بت يا اسماء وانتي حلوه كده وبتسمعي الكلام بس اسمعي بقا انا دلوقتي مش فاضي فانتي هتيجي لي على بالليل ماشي
اسماء
امممم يعني عايزني بالليل ماشي من عنيا هاجي لك بالليل يلا سلام بقا دلوقتي
وخرجت من عنده وسارة قالت لي
سارة
الله ما انتي حلوه اهو وبقيتي بتيجي عنده ههههه يعني احنا بقينا في الهوا سوا يا اسماء مش كده برضو
اسماء
خليكي في حالك يا سارة لو سمحتي ومتتدخليش في اللي ملكيش فيه انا رايحة اشوف شغلي وسعي بقا
وعند نرمين قالت لأحمد
نرمين
شوفت يا احمد كل الفلوس دي خود خليها معاك واعمل بيها كل اللي انت عايزه شوفت بقا وعرفت اني بحبك اوي
احمد بفرحة
ايه كله ده يا نرمين يا بنت الايه كل دول انتي جبتيهم منين يا حبيبتي
نرمين
مش مهم بقا جبتهم منين المهم اني اتصرف لك وخلاص مش ده اللي انت كنت عايزه عشان كمان اثبت لك انك غالي عندي اوي
احمد
ده اتأكدت من غلاوتي جدا المهم انا عايز اشوف شقة ونروح فيها نشوف بعض ايه رايك
نرمين
طيب يعني الشقة دي هتكون امان وكده انا اصلي اخاف وبعدين احنا لو رحنا الشـ،ــــــقة احنا مش هنعمل حاجة ماشي
احمد
الله جرا ايه يا نرمين انتي خايفه مني ولا ايه يا قلبي لا انتي كده بتزعليني منك اوي على فكره ده انا اخاف عليكي اكتر من نفسي
نرمين
انا قولت كده برضو خلاص ماشي شوف انت الشقه هتأخدها امتى وبلغني علطول ماشي
وفي الدار كان يسري معاه رجال أعمال كانو بيدفعوا تبرعات وقال
يسري
والله يا فتحي بيه انا مش عارف اقولك ايه بس على كل الخير اللي حضرتك بتعمله عشان الدار انا بجد متشكر اوي
فتحي
على ايه يا يسري بس المفروض ان اي واحد ربنا مدى له ومقتدر يساعد هنا في الدار دي عشان البنات الايتام دول يعيشو حياة كويسة
يسري
اه والله المفروض الناس كلها تعرف كده بس اقولك لحضرتك ان ربنا هيجازيك خير على كل اللي بتعمله ده وربنا بيضاعف الحسنات
فتحي
يلا ربنا يقدرنا على فعل الخير على العموم دي شنطة فيها ربع مليون تقدر تجيب بيهم حاجات ناقصه للبنات هنا وتجيب لهم كل اللي هما عايزينه
يسري
ياااه ده انت متعرفش حضرتك البنات هتدعي لك ازاى كتر خيرك وجزاك الله خير الجزاء ده العصر اذن طيب انا بستاذنك اني اروح اصليه جماعه في المسجد
فتحي
اكيد طبعا يا استاذ يسري انا كده كده كنت ماشي وتقدر تروح تصلي براحتك
ومشي فتحي وطبعا يسري ماراحش يصلي ولا حاجة وانا قولت لياسمين
اسماء
شوفتي يا ابلة ياسمين استاذ يسري اخد شنطة من الراجل اللي كان هنا فيها ربع مليون انا سمعتهم بودني
ياسمين
ايه ده بجد بس المفروض يا اسماء مكنتيش تتنسنطي عليهم عشان عيب
اسماء
والله يا ابله ياسمين انا سمعتهم بالصدفة عشان بس ربنا بيكشفه قدامي الراجل ده دلوقتي هيروح يوديهم البنك وطبعا الدار هنا مش بتاخد حاجة منهم
ياسمين
عندك حق انتي عارفه يا بت يا اسماء برغم صغر سنك بس بحس انك عقلك كبير مشاء الله وبتفهمي كويس اوي ربنا يحفظك يارب
اسماء
اعمل ايه بس يا ابله ياسمين انا اتعلمت كتير من الدار دي بس اللي محافظة عليه كويس اني اخاف من ربنا ومعملش حاجة تغضبة ابدا
ياسمين
برفو عليكي المهم احنا النهاردة هنعمل اللي اتفقنا عليه خلي بقا الدار دي تنضف من اللي اسمة يسري ده وامثاله لحسن بجد الحكاية رخمت اوي
وفي بيت وفاء قالت لنرمين
وفاء
نرمين انتي مشوفتيش السلسلة بتاعتي راحت فين
نرمين
سلسلة ايه دي يا ماما لا طبعا انا ماشوفتش حاجة ابدا وبعدين هو انتي بتساليني انا بس ليه بقا ان شاء الله وهو انا يعني الوحيدة اللي في البيت. لا ايه
وفاء
قصدك ايه يا نرمين انتي عايزة تقولي ايه بالظبط قولي مبتخبيش حاجة لو تعرفي
نرمين
انا اقصد يعني اقول اننا كلنا بنخرج ومحدش بيبقا موجود غير تيتة بس ما يمكن هي اللي اخدتها حد عارف
وفاء
انتي بتقولي ايه يابت ازاى تقولي كده عيب يا نرمين كده
نرمين
ياماما مفيش غيرها اللي اخدها ولا يعني عشان هي مامتك مش عايزه تواجهيها وتقولي لها انها اخدتها لا بقا دي اكيد اخدتها
وفاء
طيب بس اكتمي انا هتصرف انتي متتكلميش خالص فى الحكاية دي انتي سامعه
وراحت لأمها وقالت لها وامها ردت وقالت
الام
انتي بتقولي ايه يا وفاء انتي بتتهميني انتي ازاى تعملي فيا كده ازاى
وفاء
يا ماما انا بقول يعني يمكن تكون اتعذرتي في فلوسها قولي لي يا حبيبتي مفيهاش حاجة ما أنا بنتك وحاجتي هي حاجتك برضو
الام
اخرسي قطع لسانك اسمعي لما اقولك انا مش هقعد لك هنا دقيقه واحده والله لاروح اعيش عند اخوكي انتي خسارة فيكي بعد كل اللي عملته عشانك جايه بتسرقيني الله يسامحك يا بنتي الله يسامحك
وبعدها مشيت وفي الدار الليل ليل وانا دخلت عند يسري وقالي
يسري
ايوه كده يا بت يا اسماء انا كده هبقا مبسوط منك اوي اوي
اسماء
بص هو انا كنت ببقا عايزة اجي لك علطول بس كنت بلاقي عندك سارة اللي طول الوقت معاك دي مش برضو سارة بتدخل عندك هنا عشان كده
يسري
الصراحة كده انا كنت فعلا معجب بيها في الأول وهي كانت بتيجي بس مش بكيفها اما كنت بخلي تيجي لي هنا غصب عنها زي البنات اللي في الدار كلهم وانتي الوحيده اللي غلبتيني تعالي بقا
اسماء
لا لا استنى بس ده انا كنت عايزة اسألك عن حاجة كمان بس تقولي بصراحة هو انت كنت واخد فلوس من حد عشان الدار
يسري
ايوه طبعا باخد فلوس بالملايين عشان الدار هنا بس الصراحة كده انا مش بصرفها كلها على الدار يعني بتخدهم منهم شويه ليا كتير طبعا وبحط شوية في الدار اومال انا هصرف على العيال دي كلها اكل وشرب منين ماهو لازم كده
اسماء
امممم ده انت طلعت شاطر اوي يا استاذ يسري وطلعت ناصح كمان
يسري
اومال انتي فاكرة ايه بس اسمعي اوعي الكلام ده يطلع بره لاي حد لأحسن ازعل منك وانا زعلي وحش اووي اووي
اسماء
لا لا يطلع بره فين بس ده انا اعتبرني بير اسرارك يا استاذ يسري واي حاجة تحب تحكيها احكيها معايا براحتك خالص
يسري
طيب تعالي بقا خلينا نقول كلام الكبار وهلاعبك لعبه حلوه بلعبها مع البنات كلهم لعبه عريس وعروسة تعالي لما اقولك بعملها ازاى
وفي الوقت ده الباب خبط وكانت ياسمين اللي قالت
ياسمين
الحق يا استاذ يسري الحق بسرعه
يسري
الله يخربيتك يا ياسمين وده وقتة برضو وراح فتح وقال
في ايه يا ياسمين
ياسمين
ايه ده هي اسماء عندك بتعمل ايه
يسري
ملكيش دعوة انتي كنتي بتخبطي ليه كده عايزة ايه
ياسمين
ابدا اصل العيال تعبانين اوي وبيقول تسمم
يسري
يانهار اسود تسمم ايه ده تعالي معايا بسرعه يلا
وبصت ياسمين لاسماء وغمرت لها وعند نرمين احمد بيكلمها فيديو وقال لها
احمد
يلا بقا اخلعي البلوزه دي يا حبيبتي اصلك وحشتينى اوي يلا بسرعه ده انا على نار
نرمين
حاضر يا حبيبي اصبر بس هقلع اهو ثواني
وقلعت فعلا وطلع أصحاب احمد وقالو
سعيد
يلهووووي ايه الحلاوة دي إيه المزه الجامده دي
هشام
يخربيتك يا احمد بقا انت معاك القمر ده كله دي لازم تطلع على الهوا دي متتسابش كده
نرمين بصدمة
ايه ده مين دول الله يخربيتك انت جايب صحابك وعامل عليا حفله بعد كل اللي عملتة عشانك يا واطي والله لوديك في داهية
وقفلت بسرعه واحمد قال
احمد
بقولكم ايه ياعيال البنت دي هتعملنا وش ايه رايكم انزل الفيديوهات بتاعتها دي هتجيب ريتش عالي اوي
هشام
ايوه يا معلم ونقبض دولارات يلا شير ووزع يا معلم على كل الجروبات يلا
وفعلا عمل كده وعند يسري كان بيشوف البنات وقال لياسمين
يسري
هو فين التسمم ده يا استاذة ياسمين ماهي العيال زي الفل قدامك اهم مين بقا اللي قال الكلام الفارغ ده
ياسمين
ازاى دول كانو من شوية كلهم عندهم مغص وبيرجعو مش كده يابنت انتي وهي
رشا
ايوه انا كنت عندي ترجيع ومغص جامد
يسري
طيب يلا اتخمدو مش بيقتو كويسين يلا وانتي يا اسماء تعالي ورايا على المكتب
اسماء بارتباك
ط ط طيب جايه اهو انا هعمل اي يا ابله ياسمين ده مصمم اني اروح له انا سجلت له ك حاجة زي ما اتفقنا
ياسمين
