روا زوجة للإيجار بقلم اسماعيل موسي
عمر قال جوزك تحت فى القهوه، لو صرختى هيسمعك وهيجى بسرعه ارجوكى متعمليش فضيحه من غير لازمه، انا كل إلى طلبه تدينى فرصه اكلمك.
قلتله ابعد من هنا حالآ، انا ست مجوزه، انت هتخرب بيتى!!
عمر بحزن، انا هخرب بيتك يا مروه، كنت باصه فى وشه، وانا حافظه عمر، نظرته مكنتش طمعانه فى جسمى لأن دا إلى كان بيدور فى عقلى بعد كل مكالمات محمد جوزى الغامضه
أمشى يا عمر قبل ما اصرخ!!
عمر شال رجله من جوه الباب، انا كنت جاى عشان انقذك يا مروه، محمد جوزك مش زى ما انتى متخيله، دا انسان واطى وانتى تالت جوازه ليه
محمد اتجوزك عشان يتاجر بيكى
صرخت فى عمر غور من هنا، مش عايزه اسمع ولا كلمه تانى
مشى عمر، جسمى كان بيرتعش من الخوف، ماسكه دماغى من الصداع
نص ساعه ومحمد وصل!!
وشى كان باين عليه انه مخطوف، سألنى فيه ايه؟
قلتله انا اتصلت بيك مرديدتش عليه ليه! ؟
ايه الى حصل سألنى محمد بغضب!
قلتله فيه رقم كان بيرن عليه كتير وكنت عايزاك ترد عليه
فين الرقم ده؟ ومسك محمد تليفونى، قلت انا مسحت الرقم خلاص
محمد، مسحتى الرقم؟ انتى عبيطه؟ انتى رديتى على الرقم؟
قلتله لا مردتش
قال امال مستحتيه ليه؟ وشتمنى، شتيمه قذره
انا هعرف اربيكى لحد ما تقولى الحقيقه، مين كان بيكلمك وكان عايز ايه؟
قلتله محصلش حاجه والله، انا قلتلك الحقيقه كان ممكن اكدب عليك واخترع اى كدبه
صرخ محمد انا مش باخد من الكلام ده يا مره ومسكنى من شعرى رمانى على الأرض
ليلة امك سوده
متجيبش سيرة امى لو سمحت
بقا كده، ونزل فيا ضرب لحد ما كسر سنه من سنانى، والله لاكتفك لحد ما تقولى الحقيقه
كتفنى محمد وضربنى لحد ما فقدت الوعى، اول ما فقت لقيته قاعد على الكنبه بيبص عليه
عايز اسمع الحقيقه كلها والا هقتلك
قلت فى نفسى مش هقله ان عمر كان عندى هنا، دا ممكن يقـــ,تلنى
واصريت على كلامى
محمد سبنى مكتفه لحد الصبح، الساعه ٩ الصبح فكنى وقال بأمر اغسلى نفسك والبسى حاجه كويسه وسبنى وخرج
الساعه عشره رجع من بره معاه شخص أربعينى، لابس بدله ونضاره سوده
جريت استخبى فى غرفتى، محمد دخل ورايا وقالى دا واحد صاحبى
اعملى شاى وهاتيه على الصاله
جهزت الشاى حطيته وورحت أمشى محمد قالى اقعدى!
قعدت
الشخص دا كان بيبصلى بنظرات طويله وعميقه ومتفحصه، كنت بدارى وشى بعيد عنه خوف من محمد الا كان عمال يبتسم
بعد شويه، محمد __ ايه رأيك؟
الشخص قال، مش بطاله، طول عمرك ليك نظره يا محمد، تضحياتك دى مش هتروح من غير مقابل
محمد انا خدامك يا باشا وانت عارف كده كويس
تحب تعاين اكتر؟
مروه هاتى عصير من المطبخ
قمت وانا مش فاهمه حاجه
الشخص لمحمد، باين عليها مطيعه يا محمد
محمد، مطيعه أوى ياباشا وهتعجبك
جبت العصير ورجعت، قلع الشخص دا نضارته، عنيه كانت عسليه وواسعه وباين عليه الترف والنعمه، وقال ازيك يا مروه
قلتله الحمد لله
قال لا وصوتها حلو كمان
محمد أبتسم وكان عايز يوطى يبوس ايد الشخص ده
الشخص ده حط ايده فى جيبه وطلع شيك حطه على الترابيزه
الصفقه تمت يا محمد بص فى الشيك؟
محمد، عيب ياباشا هى اول مره
#زوجه_للايجار
الجزء السابع من هنااا
#زوجه_للايجار
٧
رمق محمد زوجى الشيك بطرف عينه وهو بيبتسم، الشيك المرصع بالأصفار القابع على ظهر الطاوله
بعدها وضع الشيك فى جيب بنطاله، واطرق ينتظر التعليمات
كان ذلك الشخص الان صامت، يفكر على ما يبدو، يحرك نظره ما بين غرفة النوم ومكانى
بعصبيه شديده كنت ببص للمحمد عشان يحجب عنى نظرات الشخص ده، لأنى حسيت انها بتعرينى قدامه وجوزى عامل نفسه مش واخد باله
قلت محمد انا هدخل غرفتى، لو احتجت حاجه اندهلى!
بصلى محمد بغضب ،برق عينيه كأنى طعنته فى شرفه، وقالى اقعدى
كنت واقفه فى مكانى على وشك التحرك لغرفتى، قلتله مش هقعد غير لما اعرف فيه ايه؟
مين الشخص ده وعايز ايه؟
محمد وقف عشان يضربنى لكن الشخص ده غمزله بعينه، ايد محمد وقفت فى مكانها وقعد
الشخص قال، محمد عرف مراتك فيه ايه؟ هى لازم تفهم!!
محمد كان واضح انه مش مستعد للشرح وكان هياخره لوقت تانى
قال حاضر يا باشا لكل شىء أوان
الباشا قال هو راسم ابتسامه ساخره دلوقتى يا محمد!!
جسم محمد ركبه عفريت، وشه رحل منه الدم وكان مش قادر يثبت فى مكانه
بصلى محمد وقال، انا يا مروه سلمتك للباشا وقبضت التمن
الكلمه دخلتنى زى السكين إلى بتقطع جسمى
سلمتنى ازاى يا محمد؟
محمد __ انتى بقيتى ملك الباشا!
هتطـــ,لقنى يعنى وتجوزنى للباشا؟
محمد __ لا مش هطلقك، انا بعتك للباشا
الدنيا لفت بيا، لكن كنت مدركه ان ده مش وقت الهروب ولا حتى الضعف
قلت يعنى انت بتسلم جسد مراتك لشخص تانى وهى على زمتك؟
محمد، سكت
الباشا قاله رد
محمد _ قال بخزى وانكسار ايوه
قعدت تانى فى مكانى مش حاسه بالمكان ولا الزمان، كلام عمر طلع صح
جوزى ديوث بيتجار بجسد الستات
وباقصى نبره قدرت اسيطر فيها على نفسى بصيت لمحمد بأحتقار وقلتله، اطلع بره
القصه بقلم اسماعيل موسى
محمد، وقف، صرخ بتقولى ايه؟
قولتله بقلك اطلع بره يا حقير يا واطي او ادخل أوضة النوم واقفل على نفسك
عايزه اتكلم مع الباشا على راحتى
محمد مقدرش يستوعب التغير فى موقفى ولا كلامى، عقله مش مستوعب إلى بقوله
لكن انا كان جوايا نار عايزه اطفيها
وقفت وقربت منه وبكل قوتى صفعته على وشه، بقلك ادخل او,ضتك عايزه اقعد مع الباشا على راحتى
مسك محمد ايدى وقبل ما يقوم بأى حركه الباشا بصله وانا بسرعه قلت انا مبقتش ملكك يا جوزى
ومن دلوقتى هتسمع كلامى، لأن كلامى زى كلام الباشا بالضبط
فاهم؟
وضربته على وشه بالقلم تانى
محمد جز على سنانه، الشرر إلى طالع من عنيه، كنت مستمتعه بازلاله إلى اتأخر كتير جدا
يلا صرخت، ادخل الاوضه واقفل الباب على نفسك، أتحرك يا واطى
بص محمد للباشا ينتظر التعليمات، الباشا ضحك، وقله نفذ أوامر الهانم يا محمد
جر محمد نفسه بكل خزى العالم ودخل الاو,ضه وقفل على نفسه
تشرب شاى يا باشا ولا حاجه تانيه؟
لو ممكن عصير يا هانم
صرخت محمد، طلع جوزى من الاو,ضه، اعمل عصير وهاته بسرعه
قعدت مع الباشا على انفراد
قلتله يا باشا انا موافقه اكون ملكك لكن ادينى فرصه اجهز نفسى وابلع الوضع ده يوم كده ولا يومين
الباشا بصلى بشهوه وقال يومين مش اكتر؟
قلتله يومين وهتلاقينى جاهزه، بس بعد اذنك، محمد جوزى هيشتغل خدامى اليومين دول لحد ما ابقى ملكك؟
الباشا قال موافق، انتى لسه قايله كلمتك من كلمتى
مكنتش محتاجه غير اليومين دول عشان افش غضبى وغيظى فى محمد قبل ما انفذ خطتى
#زوجه_للايجار
#زوجه_للايجار
٨
#إنتقا,م_المتمـــ,رده
